21 лютага кожны народ адзначае Дзень роднай мовы. Гэты дзень асаблівы для кожнай нацыі, кожнага народа, бо няма народа без мовы, няма мовы без яго носьбіта.
21 лютага ў школе прайшло святочнае мерапрыемства, прысвечанае Міжнароднаму Дню роднай мовы “Багата, родная ты мова…”. Была праведзена віктарына “Размаўляем па-беларуску”, у якой прынялі ўдзел вучні і настаўнікі. Каманды “Каласочкі” і “Валошкі” ўдзельнічалі ў конкурсах: “Перакладаем”, “Паэтычны конкурс”, “Фразеалагізмы, іх сэнс”, “Музыкальны конкурс” і інш. Перамогу атрымала каманда “Каласочкі”.
І калі ў школе праводзяцца такія мерапрыемствы, і вучні, маладое пакаленне, з такой цікавасцю, з такой адказнасцю да іх адносяцца, хочацца верыць у тое, што
Жыць будзе Беларусь – мая старонка,
Сярод зямлян жыць будзе беларус!
А разам з беларусам будзе жыць прыгожая, мілагучная беларуская мова!